下半年樓市展望(一號樓市戒備訊號現正生效)

近日拜讀湯文亮博士文章,說是其blog「文亮語」讀者已達千萬,開始會公開必勝投資法。其實法門已有部份被提及,有興趣讀者可在其近日文章找到「一千萬五百萬既比喻故事」,自己啄磨一下。

 

為何諗樣眼看博士文章? 觀乎2012年至今,湯博士對樓市預測比他人準確及清晰到解中了升同跌既由來。估中升跌一D唔難(1/2機會),難在分析有理同令人明白。澳門長大既湯博士就好似睹場入面已買中十幾鋪大細既玩家咁,大家不妨「跟一下」。

 

前幾鋪大細可見早前文章

2012/1/30 樓市農曆年後轉強

http://property.hk.msn.com/article_content.php?author=PHK_TML2&com=&id=16461

2012/2/8  對累積購買力已有講述,終在七月一語成讖,樓價破頂

http://property.hk.msn.com/article_content.php?author=PHK_TML2&com=&id=16653

 

 

當然,香港人絕對係十個心急,你緊係想知黎緊下半年會點?

 

在火熱既七月大批有心上會者已經集結左係香港東南偏南六百八十公里,預料向北偏西移動,時速五公里,購買意欲正逐漸增強,好有可能發展成「超強樓瘋」。迫近珠江口近新界西一帶,預料該處樓盤升幅將最為猛烈。

 

在過往一個月,上會者既雲層開始橫掃香港,係風暴未黎之前由於大批買家等CY上場先買樓,所以在上半年按兵不動,積壓購買力。現時CY一句活化居屋市場即將買家情緒鼓動,為「後炒起年代」打出第一炮!

 

在過去一小時,太古城、淘大花園、嘉湖山莊錄得最高成交價為$10500、$8000及$4200蚊一呎。

 

係八月過後,由於盤已經被搶得七七八八,淨低既都係冇質素又勁貴,預料買賣雙方會重回拉鋸。現時外面已出現價成交,即係比現呎價買唔到,想買樓要將平均呎價乘大幾個百分點先可以埋台同業主傾,此情況已兩年冇見。唐樓買賣有升溫現象,油麻地、北角既唐樓收到勁多人估價,銅鑼灣已冇唐樓肯賣(升到傻左)!

 

物極必反,十一月為SSD成立兩周年,唔好睇少呢批盤。到時輪到呢批積壓已久既沽壓一湧而出,樓市可望下調。諗樣認為香港人勁心急既性格,十月已經開始調整。

 

謹此呼籲有心買樓既朋友,等到下個月先開始睇樓,而家出去都冇咩你睇。到第四季有幾個新盤開售,發盤量多,樓市下跌一成有可能。一心諗住加按套現既朋友,好快手走去銀行加按,間樓跌左就按唔到咁多錢出黎。買左樓未上會既朋友,好快手比文件叫銀行批loan比你,唔好以為個市升緊好老定,因住過兩個星期再估你間樓就唔到價。

 

在八月二十三日午時,諗樣樓宇氣象服務公司發出一號戒備訊號,叫大家為下半年既小跌市作出準備。

Comments are closed.

使用諗Sir獨家按揭進階計算機,Powerteam成交實例請到:https://buyhouse.com.hk

wtsapp icon top